.سؤال بيدور ببال كتير من الأهل، خاصة لما يكون الطفل قبل هيك لطيف ومتعاون
التغيير المفاجئ بالسلوك بيخلي الأهل يسألوا: هل هذا طبيعي؟
.ولا في مشكلة لازم ننتبه له
هل السلوك العنيف طبيعي بعمر ثلاث سنوات؟
من الناحية العلمية ،السلوك العنيف أو العدواني عند طفل عمره ثلاث سنوات غالبًا مرتبط بعدم اكتمال نمو الدماغ المسؤول عن ضبط المشاعر والتحكم بالاندفاع
أما في الواقع الطفل بهذا العمر ما عنده مفردات كافية يعبر فيها عن غضبه أو احتياجاته، فبتطلع مشاعره على شكل ضرب أو دفع، و بعدها يبكي لأنه هو نفسه ما بيعرف شو صار معه
الحل في هذا التصرف هو الاحتواء الكامل للطفل، بدون ضرب أو صراخ أو حتى وصفه بأنه عنيف أو استخدام كلمات غير لائقة .لأن هالوقت بالضبط هو وقت التخزين في مخ الطفل، وكل كلمة أو تصرف بيترك أثر
ابدئي تفهمي شعوره، وخليه يعرف إنه ممكن يعبر عن غضبه بالكلام أو بالحركات البسيطة،بدون ما يؤذي غيره
تذكّري، الطفل بهالعمر ما يكون سيئ، هو فقط عم يحاول يعبّر عن مشاعر ما بيعرف يفسّرها
احتواءك، هدوءك، وكلماتك، هي اللي بتعلّمه كيف يتعامل مع غضبه مع الوقت
إذا حابة تقرئي أكتر عن التربية الواعية والتعامل مع سلوك الأطفال بطريقة عملية وبسيطة، بتلاقي مقالات إضافية بالموقع